Aqromexanika Elmi-Tədqiqat İnstitutu

03-04 noyabr 2022-ci il tarixində Azərbaycan Texnologiya Universitetinin Azərbaycan Respublikası Elm və Təhsil Nazirliyi ilə birgə təşkil etdiyi 8 Noyabr Zəfər Gününə həsr olunan “Müasir elmin aktual çağırışları və nailiyyətləri” adlı respublika elmi-praktik konfransı keçirilmişdir. Konfransın məcmuələr toplusuna 200-ə yaxın tezis daxil edilmişdir.

26-29 oktyabr 2022-ci il tarixilərində Azərbaycan Dövlət İqtisad Universitetində (UNEC) Azərbaycan Respublikası Elm və Təhsil Nazirliyinin dəstəyi və Sakarya Universitetinin birgə təşkilatçılığı ilə “VI Beynəlxalq Türk Dünyası Kimya Elmləri və Texnologiyaları”, “V Humik Turşular” və “IV Təbiət Elmləri, Mühəndislikdə İxtiralar” mövzuları üzrə 3 beynəlxalq konfransın açılışı olub.

20-22 oktyabr 2022-ci tarixlərində ildə Rusiya Federasiyasının Kabardin-Balkar Respublikası Dövlət Aqrar Universitetində “ELM, TƏHSİL VƏ BİZNES: İNTEQRASİYA QARŞILIĞININ YENİ BAXIŞI VƏ STRATEGİYASI” adlı II Beynəlxalq Elmi-Praktiki Konfrans keçirilmişdir.

Kənd Təsərrüfatı Nazirliyinin Aqrar İnnovasiya Mərkəzi tərəfindən aqrar innovasiyaların təbliği və təşviqi məqsədilə İmişli rayonunda Aqrar İnnovasiya Festivalı keçirilib. Festivalda Kənd Təsərrüfatı Nazirliyinin elmi tədqiqat institutları, tabeli qurumları, aqrar sahə üzrə fəaliyyət göstərən bir sıra yerli və xarici şirkətlər öz innovativ məhsul, avadanlıq və texnologiyalarını nümayiş etdiriblər.

16 sentyabr 2022-ci tarixdə institutun Elmi Şurasının növbəti iclası keçirilmişdir.

16 avqust 2022-ci il tarixində Zaqatalada Kənd Təsərrüfatı Nazirliyinin Aqrar İnnovasiya Mərkəzinin təşkilatçılığı ilə növbəti Aqrar İnnovasiya Festivalı keçirilib. “AqroVit MMC”-də təşkil olunan tədbirdə Kənd Təsərrüfatı Nazirliyinin elmi-tədqiqat institutları, ali təhsil müəssisələri, ölkədə aqrar sahədə fəaliyyət göstərən yerli şirkətlər öz innovativ layihələrini, texnoloji avadanlıqlarını fermerlərə nümayiş etdiriblər.

İnstitut əməkdaşlarının təqdim etdiyi “Universal yemxırdalayan qurğu”suna Rusiya Federasiyasından Əqli Mülkiyyətin Patent və Əmtəə Nişanı üzrə federal Qulluq (ROSPATENT) qurumundan ixtiraya patent alınmışdır (RF № 2776311).

14 iyul 2022-ci il tarixdə institutun Elmi Şurasının növbəti iclası keçirilmişdir.

“Aqromexanika” ETİ-nun dissertantı Salmanov Babək Zakir oğlu “Yerli bitki yağlarından istifadə etməklə üzlü süd əvəzedicisinin səmərəli texnologiyasının və qurğusunun işlənməsi” adlı mövzusu üzrə dissertasiya işini müvəffəqiyyətlə yerinə yetirmişdir.

24 iyun 2022-ci il tarixində “Aqrar İnnovasiya Festivalı”nın növbəti nümayişi Ağstafa Aqrar Sənaye Kompleksində keçirilmişdir. Kənd Təsərrüfatı Nazirliyinin Aqrar İnnovasiya Mərkəzinin təşkilatçılığı ilə keçirilən festivalda Elmi-Tədqiqat İnstitutlarının mütəxəssisləri, alimlər, fermerlər, Rayon İcra Hakimiyyətinin məsul şəxsləri, aqrar sahədə fəaliyyət göstərən yerli şirkətlərin nümayəndələri iştirak ediblər.