10 aprel 2019-cu il

Gəncə Aqrar Elm və İnnovasiya Mərkəzinin əkin sahəsində “Bitkiçiliyin mexanikləşdirilməsi” laboratoriyasının əməkdaşları tərəfindən təklif olunan və institutda hazırlanmış torpağı səpinqabağı becərən kombinəedilmiş dişli malanın sınağı aparılmışdır. Sınaq institutun təcrübə sınaq işləri üzrə direktor müavini dos. Kamal Yaqubovun, laboratoriya müdiri dos. Elmar Nağıyevin, baş konstruktor İsrayıl Məmmədovun və laboratoriyanın əməkdaşlarının birgə iştirakı ilə yerinə yetirilmişdir. Sınaqda həmçinin institutda istehsalat təcrübəsi keçən Azərbaycan Dövlət Aqrar Universitetinin 4-cü kurs  “Aqromühəndislik” fakültəsinin tələbələri də iştirak etmişlər. Tədqiqatın aparılma metodu: torpağın nəmliyi, kəltənliyi, xırdalanma dərəcəsi, aqreqatın sürəti, işçi en götürümü və s. parametrlər ölçülərək tələbələrə izah edilmişdir.