Aqromexanika Elmi-Tədqiqat İnstitutu
Kənd Təsərrüfatı Nazirliyinin Aqrar İnnovasiya Mərkəzinin təşkilatçılığı ilə Tovuz rayonunda növbəti Aqrar Biznes Festivalı keçirilib.
Festivalda müxtəlif kənd təsərrüfatı məhsulları, texnika və avadanlıqların nümayişi, Kredit yarmarkası keçirilmişdir. Tədbirdə aidiyyəti dövlət qurumlarının, aqrar sahədə fəaliyyət göstərən mütəxəssislər, fermerlər və kooperativ rəhbərləri iştirak etmişdir.
Həmçinin festival çərçivəsində “Aqrar sahədə fəaliyyət göstərən kooperativlərin inkişafı” Forumu baş tutmuşdur. Forumun əsas məqsədi kənd təsərrüfatı kooperativlərinin potensialının artırılması və dövlət dəstəyi mexanizmlərinin daha səmərəli tətbiqinə töhfə verməkdir.
Aqrar İnnovasiya Festivalında “Aqromexanika” ETİ-da iştirak etmişdir. İnstitutun elmi işlər üzrə direktor müavini Xudayar Məmmədov institutda kəndli-fermer təsərrüfatları üçün ixtira səviyyəsində hazırlanaraq satışa çıxarılmış müxtəlif kiçik qabaritli maşınlarla yanaşı, ilkin təcrübi nümunələri hazırlanmış innovativ qurğular, son illərdə alınmış patentlər haqqında tədbir iştirakçılarına ətraflı məlumat vermişdir.
Nümayiş olunan innovativ qurğular tədbir iştirakçılarının böyük marağına səbəb olmuş, onlara tövsiyələr və bukletlər təqdim olunmuşdur.
Tədbirdən foto görüntüləri diqqətinizə çatdırırıq:
