Aqromexanika Elmi-Tədqiqat İnstitutu
30 may 2023-cü il tarixdə Azərbaycan Dövlət Aqrar Universitetində (ADAU) Ulu Öndər Heydər Əliyevin 100 illiyinə həsr olunan “QEYRİ- NEFT SEKTORU və QLOBAL ƏRZAQ TƏHLÜKƏSİZLİYİ PROBLEMLƏRİ” Respublika elmi-praktik konfransı keçirilmişdir.
“Aqromexanika” Elmi-Tədqiqat İnstitutunun bir qrup əməkdaşı konfransda iştirak etmişdir. İnstitutun elmi işlər üzrə direktor müavini əvəzi X.Ə. Məmmədov “İpəkçilikdə yeni texnologiya və texniki vasitə”, “Bağçılığın mexanikləşdirilməsi” laboratoriyasının müdiri E. A. Paşayev “Fındığın ilkin emalı texnologiyası”, “Heyvandarlıqda texnoloji proseslərin mexanikləşdirilməsi və avtomatlaşdırılması” laboratoriyasının müdiri Z.V. Quliyev “Universal yem xırdalayıcı qurğuda yemlərin xırdalanma prosesinin enerji paylanması və enerji sərfi”, “Bitkiçiliyin mexanikləşdirilməsi” laboratoriyasının müdiri E. M. Nağıyev “Rotorlu dişli malanın tədbiqinin səmərəliliyi” adlı məqalələrlə çıxış edərək apardıqları elmi – tədqiqat işlərinin nəticələri haqqında konfrans iştirakçılarını məlumatlandırmışlar.
Sonda əməkdaşlarımıza rektorluq tərəfindən təşəkkürnamələr verilmişdir.