28 fevral 2023-ci il

28 fevral 2023-ci il tarixdə institutun Elmi Şurasının növbəti iclası keçirilmişdir.

GÜNDƏLİK MƏSƏLƏLƏR:

1. 2023-cü il üçün mövzu planı üzrə proqram və metodikaların müzakirəsi
2. Müxtəlif məsələlər:

• ADAU-da 29.03.2023-cü ildə keçiriləcək konfransa hazırlıq.
• İnstitutun direktoru K.H. Fətəliyevin 80 illik yubileyi münasibəti ilə təbriklər

Dinlənildi: İnstitutun direktoru t.f.d., dosent K.H. Fətəliyev Elmi Şura iştirakçılarını salamladı  və iclası açıq elan etdi. Sonra gündəlikdə duran məsələlərlə onları tanış etdi. Birinci məsələ haqqında danışmaq üçün sözü laboratoriya müdirlərinə verdi.

Dinlənildi: Laboratoriya müdirləri 2023-cü il üçün mövzu planı üzrə proqram və metodikalar haqqında məlumat verdilər.

QƏRAR

2023-cü il üçün mövzu planı üzrə proqram və metodikalar təsdiq edilsin.

2.Müxtəlif məsələlər:

1) ADAU-da  29.03.2023-cü ildə keçiriləcək konfransa hazırlıq.

Bu barədə institutun elmi işlər üzrə müavin əvəzi X.Ə. Məmmədov məlumat verdi, bildirdi ki, konfransda iştirak etmək üçün məqalələri 25.03.2023-cü ilə qədər təqdim etsinlər.

2) İnstitutun direktoru  t.f.d., dosent K.H. Fətəliyevin 80 illik yubileyi münasibəti ilə təbriklər.

Direktorun elmi işlər üzrə müavin əvəzi X.Ə. Məmmədov çıxış etdi. Elmi Şura üzvləri adından  K.H. Fətəliyevi 80 illik yubileyi münasibətilə ürəkdən təbrik etdi və ona uzun omür, can sağlığı, fəaliyyətində yeni-yeni uğurlar arzuladı.

Daha sonra X. Məmmədov yubilyarın ünvanına Gəncə Şəhər İcra Hakimiyyətinin başçısı Niyazi Bayramov, Milli Məclisin “Aqrar Siyasət Komitəsi”nin sədri Tahir Rzayev, Respublika Ağsaqqallar Surasının sədri prof. Eldar Quliyev, Kənd Təsərrüfatı Nazirliyi Birləşmiş Həmkarlar Komitəsinin sədri Fuad Hüseynov, Azərbaycan Dövlət Aqrar Universitetinin rektor əvəzi Zəfər Qurbanov, Yeni Azərbaycan Partiyası Gəncə Şəhər Təşkilatının sədrinin müavini Nurəddin İbrahimov, Gəncə Şəhər Ağsaqqallar Şurasının sədri Nurəddin Məmmədov tərəfindən göndərilmiş təbriklərlə Elmi Şura üzvlərini məlumatlandırdı.

Elmi Şuranın üzvlərindən dos. Kamal Yaqubov, dos. İlqar Hacıyev və dos. Siyavuş Sadıxov da çıxış edərək Kamil müəllimin instituta rəhbərlik etdiyi 20 illik fəaliyyətini nəzərə çatdıraraq onu 80 illik yubileyi münasibətilə təbrik etdilər və gələcək işlərində uğurlar arzuladılar.